Մեր մասին
![Մեր մասին Մեր մասին](https://narek.am/resources/narek/img/news/big/1552259422-8967.jpeg)
Interior Design-ի ոլորտում առաջատար Նարեկ ՍՊԸ-ի պատմությունը սկսվում է 1993 թվականից, երբ ֆիզիկոս, տնտեսագետ Ռաֆիկ Հարությունյանը հիմնադրեց ընկերությունը:
Գործընկերների բծախնդիր ընտրություն, Իտալիայում վերապատրաստված մասնագետներ, անհատական մոտեցում յուրաքանչյուր պատվիրատուին, խստապահանջ վերաբերմունք ծավալած գործունեության հանդեպ. ահա այն բնութագրական հատկանիշները, որոնք ուղեկցել են ընկերությանը տասնամյակներ շարունակ և դարձել նրա հաջողության գրավականը:
«Նարեկ» ընկերության սեփականատեր Հարությունյան ընտանիքի անդամներից երկուսը բնակվում են Վենետիկում և համաշխարհային դիզայնի կենտրոն Իտալիայից իրենց կարևոր մասնակցությունն են ունենում ընտանեկան բիզնեսի զարգացմանը:
Interior Design-ին նվիրված միջազգային ցուցահանդեսներին իր գործուն մասնակցության շնորհիվ «Նարեկ» ընկերությունը մշտապես տեղեկացված է դիզայնի ոլորտում տեղի ունեցող համաշխարհային առաջընթացին, կարողանում է բավարարել նույնիսկ ամենաբծախնդիր պատվիրատուի պահանջները՝ տրամադրելով անհատական խորհրդատվություն թե՛ ճարտարապետներին, թե՛ դիզայներներին, թե՛ ներկահարդարներին և թե՛ մասնավոր գնորդին, առաջարկելով լուծումներ, որոնք միտված են ոչ միայն առավել հարմարավետ և գեղեցիկ, այլև էկոլոգիապես մաքուր դարձնելու ապրելավայրը՝ զերծ պահելով թունավոր նյութեր արտազատող ներկերից ու պաստառներից: