Վենետիկյան ապակի ՄՈՒՌԱՆՈ
Վենետիկի Մուռանո կղզու դարերով փոխանցված ապակեգործության ավանդույթները այսօր էլ նրբագեղության ու բարձրաճաշակության իրական նմուշներ են: Նարեկ ընկերության ցուցասրահում ներկայացված յուրաքանչյուր աշխատանք իր մեջ կրում է վենետիկյան ապակեգործության հազարամյա պատմությունը: Այստեղ տեսականին արագ համալրվում է նորերով, այցելուին ներկայացնելով աշխարհում լայն ճանաչում վայելող ,,Arte di Murano’’ ընկերության ապակեգործների լավագույն ստեղծագործությունները:,,Նարեկ’’ ընկերության սրահում ներկայացված մուռանո ապակուց պատրաստված դասական և մոդեռն ոճի պերճաշուք ջահերը, նրբաճաշակ հայելիները, զարդասեղանները, սպասքը, տոնական սեղանները զարդարող աքսեսուարները, նրբագեղ արձանիկները, մոմակալները արվեստի անկրկնելի գործեր են, որոնք յուրահատուկ ոճ ու շունչ են հաղորդում միջավայրին :
Ընկերությունն առաջարկում է նաև վենետիկյան ապակուց պատրաստված բարձրարժեք զարդերի մեծ հավաքածու, որոնց մեջ առկա են ոսկու և արծաթի մասնիկներ, որոնք իրենց երանգն ու փայլն են հաղորդում ապակուն:
Վենետիկյան շնչով պարուրված ,,Նարեկ’’ ընկերության սրահում յուրաքանչյուր այցելու համակվում է գեղեցիկի մեջ ապրելու մի անզուսպ ցանկությամբ:
